OBXECTIVOS
- Ver que é a Ciencia.
- Estudar como inflúe a Ciencia no benestar das persoas: alimentación, medicina, na natureza.
Reducir a contaminación e a pegada ecolóxica.
Fomentar a conciencia ambiental, a educación para a sostenibilidade e a necesidade da investigación para o progreso das sociedades..
Mellorar a xestión de residuos e a economía circular.
Favorecer e proporcionar ao alumnado estratexias para vivir de forma máis sostible.
Poñer de relevo a importancia de adquirir hábitos saudables dende pequenos para poder así gozar dunha boa saúde ao longo da vida.
ACTIVIDADES
- DÍA DAS BIBLIOTECAS ESCOLARES
Na celebración deste Día, presentamos o PDI anual xunto co resto das actividades preparadas. Ver blog
- RADIO NA BIBLIO
Para iniciar o proxecto,"Da man da Ciencia polo Medio Ambiente" as alumnas e os alumnos de sexto fixeron unha investigación, moi interesante e vanguardista sobre algúns inventos da ciencia que axudan e protexen o medio ambiente. Seleccionaron os que mais lles chamaron a atención para contarnos brevemente como funcionan, no seguinte Podcast.
PODCAST – DA MAN DA CIENCIA POLO MEDIO AMBIENTE
- Saídas, visitas, manualidades, exposicións, degustacións, que se desenvolveron ó longo do mes de novembro e decembro, por mor da nova estación: “O Outono”. Época na que dende o centro procuramos que o noso alumnado, experimente, descubra e viva, de forma o máis directa posible, os cambios que experimenta a nosa contorna natural: cambios no clima, na paisaxe, a riqueza de produtos que a natureza nos ofrece (plantas, follas, pólas, paos, froitos do outono, etc).
Todo isto refrexado nas actividades que se expoñen deseguido:
* EDUCACIÓN INFANTIL NA HORTA:
O alumnado de Ed. Infantil fixo unha saída a unha horta a carón do noso centro, acompañado ddo seu profesorado titor e da mestra de apoio. Observaron, xogaron e recolleron froitos das árbores que habia na horta: mazás, kiwis, limóns, alquequenjes; froitos que levaron ó colexio e foron degustando. Ver blog
* OUTONO E SAMAÍN
Desenvólvense estas actvidades en todas as aulas, e con todo o alumnado do centro. Son actividades que todos os anos están moi presentes e forman parte do PDI de cada curso académico. Este curso relacionanse co PDI: polas exposicións de produtos naturais, toda a decoración coa que se pretende que o alumnado recicle o máis posible, etc. No seguinte enlace pódese ver un amplo exemplo do traballado.
* MAGOSTO
Celebrámolo todo o alumnado o día 13 de novembro, todos xuntos no patio. As castañas, produto autóctono galego, asámolas nunha panadaría preto do centro, xusto antes de degustalas e fúmolas repartindo nas cestiñas que con anterioridade deseñamos, elaboramos e decoramos con materiais reciclados nas aulas entre o alumnado, mestras e mestres.
- VISITA Á GANDERÍA CASA BOO
O alumnado de 3º e 4º de Primaria, a proposta da AMPA, acompañado das súas mestras e doutro mestre, visitaron a gandería de Ana Pérz Boo na Terra Chá. Recibiron moita información sobre as ovellas: - tipos de razas
- produtos que se obteñen das ovellas( lá, leite, queixo.)
- como se alimentan de maneira ecolóxica.
- como se reproducen.
- coidados sanitarios que precisan e que profesionais llelos dan
- razas de cans que as protexen…
- o proceso da lá
- e moitas máis cousas.
Unha tecedora explicoulles o proceso da lá ata poder tecela, incluso como tinguila con tintes naturais. Ver blog
- EU COMO PEIXE
O día 27 de novembro, Alba Vila ( nutricionista e dietista) estivo no noso cole dando unha charla ao alumnado de Infantil e de 1º Ciclo de Primaria para fomentar o consumo de peixe na nosa dieta. Con ela estivo Jose Beltrán da OPP-7 Burela (Organización de Productos Pesqueiros do Porto de Burela). Esta é unha campaña de promoción chamada "Eu como peixe" para escolares; para dar a coñecer os peixes e os beneficios do seu consumo, en especial o que se captura pola flota de Burela.Ver blog
- GALICIA SABE AMAR
A xunta de Galicia, está levando a cabo a campaña : “GALICIA SABE A MAR”, coa que se pretende concienciar aos escolares, e, en xeral, a toda a poboación galega, da importancia de consumir produtos que veñen do mar. Por ese motivo o día 4 de febreiro visitounos no patio do colexio unha food truck, que nos agasallou a todas/os e cada unha/un de nós con dous pinchos: un mexillón e unha croqueta de choco. Ver blog
- VISITA Á EXPOSICIÓN INNOVART25
O alumnado de 5º e 6º de Primaria viaxaron acompañados do seu titor/a, o día 6 de febreiro, a
Santiago de Compostela para visitar a exposición INNOVART25, no edificio Gaiás.
Participaron en distintos talleres. Ver blog
- DÍA MUNDIAL DA SAÚDE
O 7 de abril conmemoramos no noso centro o Día Mundial da Saúde. Nesta data celébrase, cada ano dende 1950, a fundación da OMS que tivo lugar dous anos antes, en 1948.
Todo o alumnado do centro, dende 4º de Educación Infantil ata 6º de Educación Primaria participou activamente nas actividades propostas que tiñan como obxectivo poñer de relevo a importancia de adquirir hábitos saudables dende pequenos para poder así gozar dunha boa saúde ao longo da vida.
Clasificamos os alimentos segundo diferentes criterios:
- A súa orixe.
- A súa composición nutricional.
- A súa función.
Analizamos as rodas de alimentos, as pirámides alimentarias e o chamado "prato Harvard", considerados todos eles como guías que fan referencia á cantidade e á frecuencia de consumo dos diferentes grupos de alimentos recomendados polas autoridades sanitarias.
Outro aspecto a tratar foi a importancia de realizar actividade física diaria e de consumir auga como a bebida principal para unha correcta hidratación.
Decoráronse mandalas con distintos grupos de alimentos, carteis conmemorativos e ditos populares.
Contamos tamén coa colaboración da fisioterapeuta Sofía Díaz Basanta que impartiu unha charla para o alumnado de Infantil e 1º Ciclo de Primaria.Esta profesional sanitaria faloulles da importancia do exercicio físico, de manter posturas axeitadas, de hixiene, de evitar pesos, das horas de descanso, dos profesionais que traballan no Centro de Saúde da localidade e das funcións que realizan... Ver blog
- EXCURSIÓN Á GANXA ESCOLA RIA DEL EO
O alumnado de 1º Ciclo de Primaria, para saber algo máis dos animais e dos produtos de horta visitou a granxa escola "Ría del Eo" en Castropol, Asturias. Ver blog
- PROXECTO DE MARIE CURIE
O alumnado de 4º de Ed. Infantil está a realizar neste intre do curso escolar, un proxecto da científica Marie Curie. Están aprendendo moitas cousas sobre esta muller que tanto lle gustaba a ciencia, á que lle adicou toda a súa vida. Foi a primeira muller en gañar 2 premios NOBEL.
Aínda que o alumnado é de moi curta idade, amosa moita curiosidade por saber da súa vida.
Así comezanos o traballo na aula, aínda estamos traballando nel.
Remataremos facendo unha radiografía...
Realizamos algúns experimentos cos nosos compañeiros de 5 anos:
Estreliña máxica
Deseño de Bibliochicharrón FozInchar globos
Placas de xeo
.jpg)
- PROXECTO "O ESPAZO"
Na aula de 6º de infantil desnvolveuse este curso un proxeto O Espazo co que moito gozaron as nenas e os nenos da clase. Aprenderon moitas cousa sobre as estrelas, os planetas, a atmosfera, a escuridade e a luz, da estrela reina que é o sol...
De seguido podedes ver algúns traballos que fixeron:
Mural do espazo feito polo alumnado coa axuda das súas mestras.
Manualidades dos planetas e cohetes
.jpg)
.jpg)
- PROXECTO COMPETENCIAL
* ESTACIÓN METEOROLÓXICA
O alumnado de quinto de primaria elaboramos diferentes aparellos que están presentes nunha estación meteorolóxica. En concreto elaboramos un catavento, un anemómetro, un barómetro e un pluviómetro.
Para a súa elaboración empregamos material de reciclaxe, como cartóns, botellas, pauíños...
En primeiro lugar, cada equipo investigamos sobre o aparello que nos tocou elaborar para poder construílo e explicar o seu funcionamento ós demais compañeiros unha vez finalizado o proxecto.
Quedaron así:
Cataventos
Anemómetro
Barómetro
Pluviómetro
* Na aula de POLOS CREATIVOS, o alumnado de sexto de Primaria na materia de Proxecto Competencial deseñou, por grupos, diferentes xogos que teñen como punto de partida inventos que favorecen a conservación do medio ambiente: envases biodegradables, unha lavadora que non precisa de deterxentes, crear auga nos desertos... Para a elaboración dos xogos tivemos en conta a información que obtivemos cando fixemos o Podcast “Da man da ciencia polo Medio Ambiente”.
Os xogos que creamos foron estes:
Monopoly ambiental
Inspirado no clásico Monopoly pero incorporando inventos que favorecen o coidado do medio ambiente.
Oca ambiental
Inspirado no clásico xogo da oca pero incorporando inventos que favorecen o coidado do medio ambiente.
* LIFE CYCES
Os alumnos e alumnas de 6º de Primaria fixeron un proxecto sobre O Ciclo da vida de algúns seres vivos nas áreas de Lingua Inglesa e Educación Plástica e visual.
Aquí podedes ver unhas fotos da exposición:
.jpg)
.jpg)
- O HORTO ESCOLAR
O alumnado de Infantil e Primaria, acompañado dos seus mestres e mestras, foron ó invernadoiro transplantar tomates, amorodos, pementos, coliflores. Pasados uns días coidando neles no colexio, foron levándoos para a casa, onde xa, coa axuda das súas familias, seguen dando ás plantas, os coidados que necesitan para recoller o froito chegado o momento.
No noso centro non dispoñemos de parcela ou terra ó aire libre, polo que no invernadoiro non hai sitio para as plantas de todo o alumnado. Ésta opción parécenos a mellor para que todos os nenos e nenas se interesen e se acerquen ó gusto por gozar no futuro dunha boa calidade natural e ecolóxica da súa alimentación hortícola. O vindeiro curso, queremos afondar neste tema, un horto escolar de economía circular, e así o fixemos constar no proxecto da vindeira edición de Voz Natura.
.jpg)
.jpg)
* EXPERIMENTO CON BULBOS DE XACINTO DE DISTINTAS CORES
Que necesitamos?
- Bulbos
- Auga
- Tarros de cristal
- Luz solar
Como o fixemos?
1.- Botamos auga nos tarros de cristal e colocamos os bulbos de xacinto na boca dos tarros de xeito que estiveran moi preto da auga.
2.- Colocamos os tarros nun lugar solleiro.
Que ocorreu?
Aos poucos días observamos que aos bulbos comezaban a saírlles as raíces e que estas ían medrando pouco a pouco.
Observamos tamén que nas partes superiores dos bulbos ían aparecendo uns talos verdes cunhas follas.
Por último observamos que as raíces ocupaban todo o espazo do tarro, as plantas ían medrando e produciuse a floración: xacintos des distintas cores decoraban e perfumaban a nosa aula.
Comprobamos:
Que necesitou o bulbo de xacinto para xermolar, medrar e florecer?
Necesitou auga e luz.
Reflexionamos:
Partes das plantas: raíz, talo, folla e flores.
Necesidades das plantas: auga, luz e aire.
* EXPERIMENTO CON CENORIAS
Para que serven as raíces das plantas?
A cenoria é a raíz dunha planta. Nós imos comprobar que función teñen as raíces.
Como o fixemos?
1.- Cortamos as cenorias pola parte máis ancha e cortámoslles as follas.
2.- Colocamos os cachos das cenorias nun prato.
3.- Puxemos o prato preto dunha ventá para que lle dera o sol.
4.- Botamos auga no prato.
Que ocorreu?
Observamos que aos anacos das cenorias comezaban a medrarlles os talos e as follas.
Observamos tamén que había menos auga.
Botamos máis auga e volvemos a observar que as plantas medraban e que a auga diminuía ou consumíase.
Comprobamos:
Que necesitou a planta para crecer?
Necesitou auga e luz.
Por onde tomou auga a planta?
Tomouna pola raíz.
Pensamos e reflexionamos: A CENORIA É UNHA RAÍZ
.jpg)
Cabazas do alumnado de 1º
GOZAMOS MOITO TRABALLANDO NESTE PROXECTO!!!
AGARDAMOS QUE VOS GUSTE!!!
